Posts Tagged With: կուսակցություն

Քաղաքական լիդերի անձի ձևավորումը

Քաղաքական լիդերի անձի ձևավորման վրա ազդող սոցիալ-հոգեբանական գործոնները.

Քաղաքական լիդերության ֆենոմենի վերլուծությունը հնարավոր է դառնում միայն օբյեկտի բնորոշումից հետո: «Լիդեր» բառը ծագում է անգլիական «to lead»` տանել բայից, leader` տանող: Եվրոպական այլ լեզուներում «a leader» հասկացության համանմանը գոյություն չունի: Այսպես, ըստ Ժ. Բլոնդելի` ֆրանսիական «chef»-ը իրենից ավելի ավտոկրատ, ավելի հիերարխիկ, որոշակի թիմային կառուցվածք է ներկայացնում, որն իր մեջ ներառում է հենց «leader» հասկացությունը: Վերջերս ի հայտ եկած «decideur» հասկացությունը (որոշում ընդունող) արդեն իր իսկ իմաստով կապված է միայն որոշումների ընդունման ոլորտի հետ: Շ. Դը Գոլի սիրած «guide» բառը (ֆրանսերենից կարելի է բառացիորեն թարգմանել որպես ղեկավար) ոչ բոլորի կողմից է ընդունված և ավելի հաճախ օգտագործվում է որպես էքսկուրսավար բառը բնորոշելու համար:

Գերմանական «fuhrer»-ը (ֆյուրեր, վոժդ) պատմական հայտնի պատճառներով ունի բացասական զգայական երանգ և նույնպես անգլիական տարբերակի համարժեքը չէ:

Ս. Ի. Օժեգովի «Ռուսերեն լեզվի բառարան»-ում լիդերը բնորոշվում է այսպես.

  1. Քաղաքական կուսակցության, հասարա-քաղաքական կազմակերպության գլխավոր, ղեկավար,
  2. Սպորտային մրցելույթի ժամանակ առաջինը գնացողը:

«Լիդեր» հասկացությունը հոգեբանական բառարանը բացատարում է այսպես. խմբի անդամ, որի համար ինքն իրեն իրավունք է վերապահում որոշում ընդունել նրա համար կարևոր իրավիճակներում, այսինքն առավել ավտորիտար անձ, որն իրապես կենտրոնական դեր է կատարում խմբում համատեղ գործունեության և հարաբերությունների կարգավորման գործընթացում:

1940 թ.-ին ամերիկացի հոգեբան Կ. Բիրդը կազմեց 79 հատկանիշներից բաղկացած ցուցակ, որոնք տարբեր ուսումնաիրողների կողմից  հիշատակվել էին որպես «լիդերական»: Դրանց թվում էին նախաձեռնողականությունը, շփվելու կարողությունը, հումորի զգացումը, էնտուզիազմը, վստահությունը, ընկերասիրությունը, սուր խելքը, կոմպետենտությունը և այլն:

Լ. Ստոլդիլը առանձնացնում էր լիդերի 5 հատկանիշ.

  1. Խելք և ինտելեկտուալ ունակություններ,
  2. Գերիշխանություն ուրիշների վրա,
  3. Ինքնավստահություն,
  4. Ակտիվություն և էներգիայի առկայություն,
  5. Գործի իմացություն:

Իսկ ահա Ֆ. Կարդելը իր առաջ խնդիր չէր դնում վեր հանել լիդերության հատկանիշները, այլ առանձնացրել էր 18 «զատիչներ», որոնք «զատում են» մարդուն լիդերությունից: Դրանք են`

  1. Ցածր ինքնագնահատականը և հարգանքի բացակայությունը սեփական անձի նկատմամբ,
  2. Չափազանց մեծ հակվածությունը խաբելուն, պատճառաբանություններին, արդարացումներին,
  3. Գիտակցության մեջ ներքին պատկերները, որոնք մարդուն տեղում են պահում,
  4. Ներելու և թողնելու ցանկության բացակայությունը,
  5. Սեփական երևակայության ոչ բավարար օգտագործումը,
  6. Սեփական ստեղծագործ պոտենցիալի նկատամաբ քամահրական վերաբերմունքը,
  7. Միշտ իրավացի լինելու  կարիքը,
  8. Թույլ կոմունիկատիվ ունակությունները` լսելու և խոսելու անկարողությունը,
  9. Սեփական վախերին ընդդիմանալու ունակությունը,
  10. Հստակ նպատակների բացակայությունը,
  11. Պարտադիրության անբավարարությունը,
  12. Վախը ռիսկից,
  13. Սեփական կյանքի նկատմամբ պատասխանատվություն ստանձնելու անկարողությունը,
  14. Հույսի կորուստը,
  15. Տղամարդկության անբավարարությունը,
  16. Երևակայելու և երազելու անկարողությունը,
  17. Սեփական անձի նկատմամբ սիրո բացակայությունը,
  18. Սնափառությունը:

Читать далее

Categories: Հոգեբանություն, Պատմություն, Սպորտ, Փիլիսոփայություն, Քաղաքականություն, Ազգագրություն, Ավանդույթներ, Բիզնես | Метки: , , , , , , , , , , , , , , , , , , , , , , , | Оставьте комментарий

Սև PR

Սև PR-ը շնչավոր կամ անշունչ օբյեկտի իմիջի վատացմանն ուղղված գործողություն է, բայց անպայման չէ ցեխ շպրտելը կամ սուտը: Նմանատիպ հասկացությունների շարքին են պատկանում նաև մոխրագույն PR-ը և սպիտակ PR-ը:

Սև PR-ի ժամանակ տարածվում է մասնակիորեն պրովոկացիոն տեղեկատվություն, որն իբր թե PR-ի զոհից է հենց դուրս եկել: Օրինակ, նախընտրական արշավի ժամանակ քաղաքական կուսակցության անունից կարող են թերթիկներ տարածվել, որտեղ նրանք հանդես են գալիս հոմոսեքսուալիստների պաշտպանությամբ կամ միասեռ ամուսնությունների օգտին, սննդամթերքի անվճար տրամադրման մասին կեղծ տեղեկատվություն և այլն:

Սև PR-ը նունպես PR է`

Այս ասացվածքը նշանակում է, որ սև PR-ը նույնպես կարող է որոշ դեպքերում օգտակար լինել: Բանը նրանում է, որ ցանկացած PR-ի ժամանակ` այդ թվում և սև, օբյեկտի մասին իմանում են այն մարդիկ, որոնք նախկինում նույնիսկ չէին էլ լսել նրա մասին: Արդյունքում օբյեկտի հեղինակությունը անհամեմատ աճում է:

Categories: Տերմինաբանություն, Քաղաքականություն, ԶԼՄ | Метки: , , , , , | Оставьте комментарий

Լիբերալ ինտերնացիոնալ

Լիբերալ Ինտերնացիոնալը լիբերալ կուսակցությունները միավորող միջազգային քաղաքական կուսակցություն է: Կենտրոնակայանը տեղակայված է Լոնդոնում` Ազգային-լիբերալ ակումբի շենքում: Հիմնվել է Օքսֆորդում 1947 թ.-ին ողջ աշխարհում լիբերալիզմը ամրապնդելու համար: Լիբերալ Ինտերնացիոնալի հիմնական սկզբունքները նկարագրված են Օքսֆորդյան Հռչակագրում:

Լիբերալ Ինտերնացիոնալի նախագահը Հանս վան Բաալենն է:

Նպատակները և խնդիրները`

Սահմանադրության Լիբերալ Ինտերնացիոնալը իր նպատակները ներկայացնում է այսպես. «Հասնել լիբերալ սկզբունքների ընդունմանը, որոնք աշխարհում իրենց բնույթով միջազգային են և նպաստել ազատ հասարակության առաջընթացին` հիմնված անձնական ազատության, անձնական պատասխանատվության և սոցիալական հավաարության և համագործակցության միջոցներ և տեղեկատվության փոխանակում տրամադրել կազմակերպության անդամների միջև, ինչպես նաև տարբեր երկրների տղամարդկանց և կանաց միջև, որոնք կհամաձայնեն այդ սկզբունքների հետ»:

Աֆրիկայի, Հյուսիսային և Հարավային Ամերիկաների, Ասիայի և Եվրոպայի կուսակցությունների անդամներին միավորող սկզբունքներն են համարվում` մարդու իրավունքների հարգումը, ազատ և արդար ընտրությունները և բազմակուսակցական ժողովրդավարությունը, սոցիալական արդարությունը, հանդուրժողականությունը, շուկայական տնտեսությունը, ազատ առևտուրը, էկոլոգիական կայունության ապահովումը և միջազգային համերաշխության ուժեղ գիտակցումը:

Լիբերալ Ինտերնացիոնալի նպատակները նաև շարադրված են յոթ հռչակագրերի շարքում, որոնք գրվել են 1946 և 1997 թթ.-ի միջև:

Լիբերալ Ինտերնացիոնալը մասնակցության կարգավիճակ ունի Եվրոպայի Խորհրդում:

Լիբերալ Ինտերնացիոնալի պաշտոնական կայքը

Սոցիալիստական ինտերնացիոնալ (Սոցինտերն)

 

Categories: Պատմություն, Քաղաքականություն | Метки: , , , , , , , , , , , , , , , , , , | Оставьте комментарий

Հիտլերի կրոնը

«Gott mit uns»` «Աստված մեզ հետ է»

Ադոլֆ Հիտլերը ծնվել էր այնպիսի երկու շրջանների սամանին, որոնց բնակչությունը ավանդաբար կաթոլիկության հետևորդներ էին: Նա նույնիսկ կնքված և օծված է եղել, սակայն հետագայում կաթոլիկական կրոնը նրա կյանքում մեծ տեղ չէր զբաղեցնում: Դրա հետ մեկտեղ նա աթեիստ չէր դարձել, սակայն շարունակում էր իրեն անվանել քրիստոնյա և շատ ելույթներում հանդես էր գալիս ի պաշտպանություն կրոնի` մասնավորապես քրիստոնեության:

Մենք ոչ ոքի չենք հանդուրժի մեր շարքերում, ով հարձակվում է քրիտոնեության գաղափարների վրափաստացիորեն, մեր շարժումը քրիստոնեական է: Ադոլֆ Հիտլեր. Ելույթ Պասսաուում, 1928 թ.-ի հոկտեմբերի 27.

«Mein Kampf»-ի 10-րդ գլխի առաջին մասը այլ բաների հետ հանդերձ նվիրված է կրոնի կարևորության հարցին` որպես բարոյականության պահպանության և գերմանական ազգի միասնականության գործոնի:

Հիտլերը որպես պատվավոր հյուր ընդունել էր Երուսաղեմի մուֆթի Մուհամեդ Ամին ալ-Հուսեյնիին: Հանդիպման ընթացքում ալ-Հուսեյնին Հիտլերին անվանել էր «իսլամի պաշտպան»: Եվա Բրաունի քրոջ` Իլզայի վկայությամբ, Հիտլերին շատ բան էր գրավում իսլամում` բացասական վերաբերմունքը հուդյականության նկատմամբ, պատերազմին մշտական պատրաստակամության պահանջները և հրաժարումը դոգմաներից:

Իշխանության գալուց անմիջապես հետո` Հիտլերն արգելեց կրոնի ազատություն քարոզող կազմակերպությունների գործունեությունը և կազմակերպեց «շարժում ընդդեմ անաստվածների»: Читать далее

Categories: Պատմություն, Քաղաքականություն, Կրոն | Метки: , , , , , , , , , , , , , , , , , , , , , , , , , , , , , , , , | 2 комментария

Создайте бесплатный сайт или блог на WordPress.com.