Posts Tagged With: Ֆրանսիա

Վանգայի գուշակությունները 2010 թ.-ից մինչև 5079 թ.

2010 թ. — Երրորդ համաշխարհային պատերազմի սկիզբը: Պատերազմը կկսվի 2010 թ.-ի նոյեմբերին և կավարտվի 2014 թ.-ի հոկտեմբերին: Կսկսվի ինչպես սովորական, իսկ հետո կկիրառվի սկզբում ատոմային, իսկ հետո քիմիական զենք:

2011 թ. – Հյուսիսային կիսագնդում ռադիոակտիվ տեղումների պատճառով կենդանի չեն մնա ո’չ բուսական, ո’չ էլ կենդանական աշխարհները: Այնուհետ մուսուլմանները քիմիական պատերազմ կսկսեն կենդանի մնացած եվրոպացների դեմ:

2014 թ. – Մարդկանց մեծամասնությունը կտառապի թարախախտով, մաշկի քաղցկեղով և մաշկային այլ հիվանդություններով (քիմիական պատերազմի հետևանքը):

2016 թ. – Եվրոպան գրեթե անմարդաբնակ է:

2018 թ. – Համաշխարհային նոր գերտերություն է դառնում Չինաստանը: Զարգացող երկրները շահագործվողներից վեր են ածվում շահագործող երկրների:

2023 թ. – Մի փոքր կփոխվի Երկրագնդի ուղեծիրը:

2025 թ. –Եվրոպան դեռևս քիչ է բնակեցված:

2028 թ. – Էներգիայի նոր աղբյուրի ստեղծում: Քաղցը հետզհետե հաղթահարվում է: Սկսվում է օդաչուավոր տիեզերանավի արշավը դեպի Վեներա:

2033 թ. – Բևեռային սառույցները հալչում են: Բարձրանում է Համաշխարհային օվկիանոսի մակարդակը:

2043 թ. – Համաշխարհային տնտեսությունը զարգանում է: Եվրոպան ղեկավարում են մուսուլմանները:

2046 թ. – Աճեցվում են ցանկացած տեսակի օրգաններ: Օրգանների փոփոխությունը դառնում է բուժման լավագույն մեթոդներից մեկը:

2066 թ. – Մուսուլմանական Հռոմի վրա հարձակման ժամանակ ԱՄՆ-ը օգտագործում է զենքի նոր տեսակ՝ կլիմայականը: Կտրուկ ցրտում է:

2076 թ. – Առանց դասակարգերի հասարակություն (կոմունիզմ):

2084 թ. – Բնության վերականգնում:

2088 թ. – Նոր հիվանդություն՝ ծերացում մի քանի վայրկյանում:

2097 թ. – Արագ ծերացումը հաղթահարված է: Читать далее

Реклама
Categories: Պատերազմ, Պատմություն, Քաղաքականություն, Ազգագրություն, Աշխարհագրություն, Բարձրագույն տեխնոլոգիաներ, Կրոն | Метки: , , , , , , , , , , , , , , , , , , , , , , , | 71 комментарий

Ֆրանսուա Օլանդ

Ֆրանսուա Ժերար Ժորժ Օլանդը (ֆր. François Gérard Georges Hollande) (օգոստոսի 12, 1954, Ռուան) ֆրանսիացի քաղաքական գործիչ է, եղել Ֆրանսիայի Սոցիալիստական կուսակցության առաջին քարտուղարը 1997-2008 թթ.-ին: Ֆրանսիայի Ազգային ժողովի պատգամավոր, Տյուլ քաղաքի քաղաքապետ: 2004 թ.-ի ամռանը Օլանդը հայտարարեց նախագահական ընտրություններին առաջադրվելու հնարավորության մասին, սակայն այնուհետ մեղմեց իր քաղաքական ամբիցիաները:

Սեգոլեն Ռուայալի քաղաքացիական ամուսինն է, ունեն 4 երեխա: 2007 թ.-ի հունիսին հայտարարվեց Օլանդի և Ռուայալի ամուսնալուծության մասին:

            

Categories: Մարդիկ, Քաղաքականություն | Метки: , , , , , , | Оставьте комментарий

Սոֆի Մարսո

Սոֆի Մարսոն (ֆր. Sophie Danièle Sylvie Marceau, իսկական ազգանունը Մոպյու(ֆր. Maupu)) ֆրանսիացի դերասանուհի է:

Կենսագրությունը

Սոֆին ծնվել է 1966 թ.-ի նոյեմբերի 17-ին Փարիզում: Նրա հայրը վարորդ էր, իսկ մայրը վաճառողուհի:

Կինոյում Սոֆին պատահաբար է հայտնվել. իր ընկերուհիներից մեկից նա իմացել էր, որ Կլոդ Պինոտոն դեռահասների է ընտրում իր նոր ֆիլմի համար և որոշեց ուղղակի ուղեկցել ընկերուհուն: Արդունքում մի քանի հազար դեռահասներից ընտրեցին 14-ամյա Մարսոյին: Այդպես, մեկ վայրկյանում Սոֆի Մարսոն դարձավ աստղ: «Բում» (1980) ֆիլմը մեծ հաջողություն ունեցավ և շուտով նկարահանվեց շարունակությունը՝ «Բում 2» (1982), որի համար Սոֆին ստացավ «Սեզար» մրցանակը «Լավագույն սկսնակ և ամենախոստումնալից դերասանուհի» անվանակարգում:

16 տարեկանում նա արդեն խաղում է Ժերար Դեպարդիեի և Կատրին Դենյովի հետ «Ֆորտ Սագան» ֆիլմում: Դեպարդյեն նրա խաղընկերը կդառնա նաև Մորիս Պյալի «Ոստիկանություն» ֆիլմում: 1984 թ.-ին նա նկարահանվում է «Խենթ սեր» ֆիլմում, որն իր մասնակցությամբ Անջեյ Ժուլավսկիի առաջին ֆիլմն էր: Դրան հետևում են «Իմ գիշերները չքնաղ են ձեր ցերեկներից» և «Կապույտ նոտա» ֆիլմերը:

Միևնույն ժամանակ Սոֆին բազմամիլիոնանոց պայմանագիր է կնքում Ֆրանսիայի խոշորագույն կինոընկերության «Gaumont»-ի հետ, սակայն շուտով այն չեղյալ է համարում. աղջիկը սիրահարվել էր լեհ ռեժիսոր Անջեյ Ժուլավսկիին և աշխատելու ցանկություն չուներ: Կինոընկերությունը պատժեց Սոֆիին պայմանագիրը չեղյալ համարելու համար և նա ստիպված էր իր աշխատած բոլոր փողերը վճարել նրանց:

Այդ ժամանակից սկսած նա դարձավ ամենանշանավոր և ամենահարգված դերասանուհիներից մեկը իր երկրում, չնայած որ նա դեռ համաշխարհային էկրանի աստղ չէր: Սոֆիի առաջին անգլիալեզու դերը արքայադուստր Իզաբելայի դերն էր Մել Գիբսոնի «Քաջ սիրտը» ֆիլմում: Երբ Գիբսոնին հարցրին, թե ինչու էր նա այդ դերի համար ընտրել Սոֆի Մարսոյին, նա պատասխանեց. «Նա գեղեցիկ է, նա ֆրանսուհի է և նա լավ դերասանուհի է: Դերը կատարողը պետք է ունենար առնվազն այդ որակներից երկուսը»: Բետինա Ռայմսը, որը մշտապես լուսանկարել է Սոֆիին, նրան անվանում է ամենագեղեցիկը և ամենազգայունը երիտասարդ դերասանուհիներից:

1985 թ.-ին Սոֆին ձայնագրում է իր առաջին (և վերջին) ալբոմը՝ Certitude-ը (Certitude ալբոմի երգերը կարող եք լսել այստեղ): Այն թողարկվեց նույն երկյակի կողմից (բառեր՝ Էտիեն Ռոդա-Ժիլ, երաժշտություն՝ Ֆրանկ Լանգոլֆ), որը հետագայում երգեր էր գրում Վանեսա Պարադիի համար: Ալբոմը չհաջողվեց, սակայն երկրպագուների համար հետաքրքիր էր լսել Սոֆիի կատարումը:

Սոֆին պատկանում է իր հիանալի հերոսուհիներին ուժեղ կամքով և սիրառատությամբ: Սակայն շուտով նրան ձանձրացնում է դեռահասի իմիջը և նա սկսում է ավելի լուրջ դերեր խաղալ («Խենթ սեր», «Ոստիկանություն»), որոնցից նա դուրս կգա հասունացած (Ժուլավսկիի հետ) կամ կոտրված (Պյալի հետ): Նա կսկսի իրեն պատասխան տալ իր վիճակի անկայունության համար՝ փառքի դափնին բաժանելով ամենանշանավոր դերասանների հետ՝ Նուարե, Դեպարդիե, Դենյով, Բելմոնդո: «Շուաններ» ֆիլմը նրան տարվա ամենառոմանտիկ դերասանուհու փառքը բերեց:

Թատրոնում նա սկսեց խաղալ 1991 թ.-ին «Էվրիդիկա»-ում (Անույ): Այդ աշխատանքի համար նա «Մոլիեր» ստացավ՝ որպես թատերական տարվա բացահայտում: Երկու տարի հետո վերադարձավ թատրոն և խաղաց «Պիգմալիոն»-ում: 1995 թ.-ի աշնանը հանդես եկավ որպես ռեժիսոր իր առաջին կարճամետրաժ ֆիլմում՝ «Լուսաբաց հակառակ կողմից», որի տևողությունը 8 րոպե էր և որի սցենարը նա գրել էր «Քաջ սիրտ» ֆիլմի նկարահանումների ժամանակ: «Լուսաբաց հակառակ կողմից»-ը ներկայացվեց Կաննում 1995 թ.-ին «Վստահ հայացք» փառատոնի բացման ժամանակ:

1995 թ.-ին նա նկարահանվեց Ջոն Մալկովիչի հետ Անտոնիոնիի մոտ «Ամպերից այն կողմ» ֆիլմում: 1997 թ.ին նա նկարահանվեց «Աննա Կարենինա» ֆիլմում՝ մարմնավորելով գլխավոր հերոսուհուն: Նրա վերջին աշխատանքներից է Ջեյմս Բոնդի մասին ֆիլմաշարի 19-րդ մասը («Ամբողջ աշխարհն էլ քիչ է»): Սոֆին նկարահանվում է նաև գովազդում:

Читать далее

Categories: Մարդիկ, Մրցանակներ, Շոու-բիզնես, Գրականություն, Կինո | Метки: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , | Оставьте комментарий

Շոկոլադի համաշխարհային օր

Շոկոլադի համաշխարհային օրը (անգլ. World Chocolate Day) նշվում է ամեն տարի հուլիսի 11-ին: Բացի այս տոնից գոյություն ունի նույն անվանումով ևս մեկ համաշխարհային օր, որը նշում են սեպտեմբերի 4-ին:

Պատմությունը

Շոկոլադի համաշխարհային օրվա հայրենիքն է համարվում Ֆրանսիան: Հենց ֆրանսիացիները 1995 թ.-ին դարձան այս տոնի հիմնադիրները:

Շոկոլադի ազգային օրեր

Շոկոլադի համաշխարհային օրվան զուգահեռ գոյություն ունեն նաև այլ՝ ավելի փոքր, սակայն ոչ պակաս քաղցր օրեր, որոնք նվիրված են շոկոլադին: Ակսպես, ԱՄՆ-ում բացի շոկոլադի համաշխարհային օրվանից ամեն տարի նշում են ևս երկու համազգային «շոկոլադե օր»՝ հուլիսի 7-ին և սեպտեմբերի 28-ին:

Շոկոլադի մասին

Կարծիք կա, որ առաջինը շոկոլադ պատրաստել են ացտեկները: Նրանք այն անվանում էին «աստվածների կերակուր»: Իսպանացի կոնկիստադորները, որոնք այն բերեցին Եվրոպա, շոկոլադն անվանում էին «սև ոսկի»:

Ավելի ուշ, շոկոլադ օգտագործում էին միայն արիստոկրատները և միայն 20-րդ դարի սկզբում արդյունաբերական արտադրության զարգացմանը համընթաց շոկոլադը հասանելի դարձավ նաև ոչ արիստոկրատներին:

Categories: Պատմություն, Տոներ, Ազգագրություն | Метки: , , , , , , , | Оставьте комментарий

Cherchez la femme

Cherchez la femme-ը (Շերշե լյա ֆամ) ֆրանսիական արտահայտություն է, որը բառացիորեն նշանակում է «փնտրեք կնոջը»: Այն իմաստով, որ երբ մարդն իրեն տարօրինակ է պահում կամ նրա գործողությունների շարժառիթը պարզ չէ, պատճառ կարող է լինել նրա փորձը թաքցնել անօրինական գործը կնոջ հետ կամ տպավորություն գործել կնոջ վրա: Այսինքն, այս արտահայտությունն ասողի կարծիքով իրադարձության, դժբախտության, հանցագործության պատճառը կինն է:

Արտահայտությունը թևավոր դարձավ Ալեքսանդր Դյումա-հոր «Փարիզի մոհիկանները» վեպի (ներբեռնել գիրքը ռուսերեն լեզվով), որտեղ  «Cherchez la femme, pardieu! cherchez la femme!» նախադասությունը փարիզյան ոստիկանության չինովնիկի ասացվածքն է: Նախադասությունը վեպում կրկնվում է մի քանի անգամ:

1864 թ.-ին Դյուման գրեց համանուն մի պիես, որտեղ այսպիսի նախադասություն կա. «Il y a une femme dans toutes les affaires; aussitôt qu’on me fait un rapport, je dis: „Cherchez la femme!“» (Յուրաքանչյուր գործում կին կա. երբ որ նրանք ինձ հաշվետվություն են բերում, ես ասում եմ. «Փնտրեք կնոջ»):

Դյուման օգտագործում էր այն արտահայտությունը, որն իսկապես օգտագործում էր ֆրանսիական ոստիկանության նշանավոր դարձած ոստիկան Գաբրիել դը Սարտինը (1729-1801): Դը Սարտինն էլ իր հերթին վերափոխել էր հռոմեացի պոետ Յուվենալի միտքը. նրա երգիծանքում ասվում է, որ հազիվ թե գտնվի մի դատավեճ, որտեղ կռվի պատճառը կին չլինի:

Categories: Տերմինաբանություն, Օրենսդրություն, Գրականություն, Թևավոր խոսք | Метки: , , , , , , , , , , | Оставьте комментарий

Մեծ Սիրիա

Մեծ Սիրիան պանարաբիզմի նախագիծ է:

Օսմանյան կայսրության անկումից հետո արաբական ազգային պետության ստեղծումը իրական էր թվում: Այդ պետությունը պետք է կազմված լիներ ժամանակակից Սիրիայի, Լիբանանի, Իսրայելի, Հորդանանի և պաղեստինական տարածքներից (Գազայի հատվածը և Հորդանան գետի Արևմտյան ափ): Մեծ Սիրիայի մայրաքաղաքը պետք է դառնար Դամասկոսը, որն Օմայանների օրոք արդեն եղել էր արաբական խալիֆայության մայրաքաղաքը:

Սայքս-Պիկոյի համաձայնագիրը, որով Ֆրանսիան և Մեծ Բրիտանիան բաժանեցին տարածքները իրար միջև, վերջ դրեց միասնական ազգային պետության ստեղծման պլաններին:

Ավելի ուշ Արաբական Միացյալ Հանրապետության և Արաբական Միություն նախագծերը նույնպես հաջողություն չունեցան:

Մեծ Սիրիայի նախագիծը Սիրիայի հանգուցյալ նախագահ Հաֆեզ ալ-Ասադի սիրած նախագիծն էր: Համաձայն դրա՝ Դամասկոսը պետք է դառնար հսկայական արաբական պետության կենտրոնը, որի մեջ բացի Սիրիայից մտնելու էին Լիբանանը, ինչպես նաև թուրք-սիրիական սահմանակից շրջանները:

Նմանատիպ նյութեր

Մեծ Իտալիա

Ազավադ

            

Categories: Պատմություն, Քաղաքականություն, Ազգագրություն, Աշխարհագրություն | Метки: , , , , , , , , , , , , , , , , , , , | 1 комментарий

ԱՄՆ-ի նահանգների անվանումների ստուգաբանությունը

ԱՄՆ-ի 50 նահանգները փոխառել են իրենց անվանումները շատ լեզուներից: Նահանգներից 25-ը իրենց անվանումները փոխառել են հյուսիսամերիկյան հնդկացիների անվանումներից: Մնացած նահանգները իրենց անվանումները փոխառել են եվրոպական լեզուներից:

50 նահանգներից 11-ը կոչվել են ի պատիվ պատմական կերպարների:

  1. Ալաբամա – Հնդկացիական «ես մաքրում եմ թփուտները» արտահայտությունից:
  2. Ալյասկա – Թերակղզու անվանումից: Ալեութերեն նշանակում է «Մեծ երկիր»:
  3. Այդահո – Հորինված անվանում է. հավանաբար հնդկացիական «լեռների գանձ» անվանումից:
  4. Այովա – Հնդկացիական ցեղի անվանումից:
  5. Արիզոնա – Հնդկացիական «բանալի, աղբյուր» բառերից:
  6. Արքանզաս – Ցեղի անվանումից:
  7. Արևմտյան Վիրջինիա – Եղիսաբեթ I թագուհու անվամբ:
  8. Դելավեր – Նահանգապետ լորդ Դե լա Վերի անվամբ:
  9. Թեննեսի – Չերոկի ցեղի հնդկացիների գյուղի անվանումից:
  10. Թեքսաս – Հնդկացիական «ընկերներ, դաշնակիցներ» բառերից:
  11. Իլինոյս – Հնդկացիական «մարդիկ» բառից:
  12. Ինդիանա – Նահանգը խիտ բնակեցված էր հնդկացիներով:
  13. Լուիզիանա – Լյուդովիկոս XIV թագավորի պատվին:
  14. Կալիֆորնիա – Հնագույն իսպանական վեպի թվացյալ կղզու անվանումից:
  15. Կոլորադո – Գետի անվանումից, որն իսպաներենից թարգմանաբար նշանակում է «ներկված, գունավոր»: Читать далее
Categories: Պատմություն, Ազգագրություն, Աշխարհագրություն | Метки: , , , , , | Оставьте комментарий

Պատմության ամենացածրահասակ ղեկավարները

Որոշ պատմաբաններ վստահեցնում են, որ Նապոլեոն Բոնապարտը հավանաբար պատմության ամենացածրահասակ ղեկավարն էր, սակայն նա այդքան էլ ցածրահասակ չէր: Իրականում, մեղավորը չափան միավորներում առկա շփոթմունքն էր: Ֆրանսիացիներն ունեին իրենց ֆուտը, շվեդները` իրենց, անգլիացիներն էլ իրենցը:

Ֆրանսիական ֆուտը (ավելի ճիշտ փարիզյանը) հավասար էր 324,8 մմ-ի: Նապոլեոնի հասակը կազմում էր փարիզյան 5 ֆուտ, 2 դյույմ և 4 գիծ, որն էր կազմում է 168,5 սմ: Իսկ «Փոքրիկ կապրալ» մականունը կապված էր ոչ թե հասակի, այլ տարիքի հետ: Արդեն 24 տարեկանում նա բրիգադի գեներալ էր:

10-րդ տեղ: Նապոլեոնին իր հասակով չի գերազանցում նրա հայրենակիցը` Ֆրանսիայի Նախագահ Նիկոլա Սարկոզին: Նրա հասակը 168 սմ է: Նրա կինը` Կառլա Բրունին, 10 սմ-ով գերազանցում է իր ամուսնուն:

Читать далее

Categories: Պատերազմ, Պատմություն, Վիճակագրություն, Քաղաքականություն | Метки: , , , , , , , , , , , , , , , , , , , , , , , , , , | Оставьте комментарий

Նշանավոր բրենդերի ամենաանհաջող կարգախոսերը

Երբ Parker ընկերությունը որոշեց գովազդել իր գնդիկավոր գրիչը Մեքսիկայում, նրա հայտարարությունը պետք է հնչեր այսպես. «Այն չի հոսի ձեր գրպանում և ամաչեցնի ձեզ»: Սակայն անհաջող թարգմանությունից հետո ստացվեց հետևյալը. «Այն չի հոսի ձեր գրպանում և չի բեղմնավորի ձեզ»:

Clairol ընկերությունը Գերմանիայում ներկայացրեց «Mist Stick» գանգուրներ սարքելու ունելին` չիմանալով, որ «Mist» խոսակցական լեզվով նշանակում է գոմաղբ:

Իսպանիայում Coors ընկերությունը ներկայացրեց իր ապրանքանիշը «Վերադարձրու կորսվածը» կարգախոսով, որտեղ այն կարդացվում էր որպես «Տառապում եմ փորլուծությունից»:

Pepsi Generation-ի գովազդը չիներենով հնչում է այսպես. «Պեպսին բերում է ձեր նախնիներին գերեզմաններից»:

 Gerber ընկերությունը սկսեց մանկական սնունդ վաճառել Աֆրիկայում և նրանք օգտագործում էին նույն տուփերը, ինչը և ԱՄՆ-ում: Այդ տուփերի վրա պատկերված էր ժպտացող երեխա: Հետագայում նրանք իմացան, որ Աֆրիկայում տուփերի վրա պատկերում են հենց պարունակությունը, քանի որ շատ մարդիկ կարդալ չգիտեն:

Ֆրանսիայում Colgate ընկերությունը ներկայացրեց ատամի մածուկը Cue անվանմամբ, իսկ դա Ֆրանսիայում հայտնի պոռնոամսագրի անվանում է:

Երբ American Airlines ընկերությունը սկսեց մեքսիկական շուկայում գովազդել իր կաշվե առաջին դասը, նրանց «Թռիչք կաշվի մեջ» կարգախոսը իսպաներեն հնչում էր որպես «Թռիչք մերկ վիճակում»:

Categories: Բիզնես | Метки: , , , , , , , , , , , , , , , , , , , , , , | Оставьте комментарий

Խելագարի պատերազմը

Պա ՉայԽելագարի պատերազմը (ֆր. Guerre du Fou) հեղափոխություն է, որը բարձրացրել են հմոնգները 1918-1921 թթ.-ին Հնդկաչինում անտանելի ծանր հարկերի (հմոնգների կողմից օպիումի մշակման համար հարկ, ձիերի բռնագրավում) և ֆրանսիացի պաշտոնյաների այլ չարաշահումների պատճառով: Հեղափոխությունը գլխավորում էր Պա Չայը, որը, ինչպես կարծում էին հմոնգները օժտված էր գերբնական ուժերով: Նա սրբազան պատերազմ է հայտարարում ոչ միայն ֆրանսիացիների, այլ նաև Լաոսի և Վիետնամի դեմ:

Պա Չայը ամեն օր բարձրանում էր ծառերի վրա, որպեսզի Աստծուց ցուցումներ ստանա, թե ինչպես
վարի պատերազմը: Ֆրանսիական իշխանությունները 1920 թ.-ին ստիպված էին հմոնգներին որոշակի իրավունքներ տալ` այդ թվում նաև ինքնակառավարման հնարավորություն:

Հմոնգներ

Categories: Պատերազմ, Պատմություն, Քաղաքականություն, Ազգագրություն | Метки: , , , , , , , , , , | Оставьте комментарий

Создайте бесплатный сайт или блог на WordPress.com.