Հակագլոբալիստական շարժումն աշխարհում

Արդեն տաս տարուց ավելի է, ինչ խոշոր միջազգային կազմակերպությունների և պետությունների (օրինակ`Արժույթի Միջազգային Հիմնադրամ, Առևտրի Համաշխարհային Կազմակերպություն, Եվրոպական Միություն) ղեկավարների հանդիպումները անց են կացվում հակագլոբալիստների ցույցերի ներքո: Դեռևս հիշողության մեջ թարմ են 2001թ.-ի Ջենովայի իրադարձությունները, որոնք առանց չափազանցնելու դարձան հակագլոբալիստների բողոքի գործողությունների գագաթնակետը: Այդ օրերին Ջենովայում էին հավաքվել 150.000-200.000 երիտասարդ ցուցարարներ Եվրոպայից և ԱՄՆ-ից: Եվրոպական կառավարությունների մակարդակով սկսեցին արձագանքներ լսվել հետագայում նմանատիպ հավաքների աննպատակահարմարության մասին: Արժե՞ արդյոք մի ամբողջ քաղաք վերածել պաշարված քաղաքի այն բանի համար, որ մի քանի մարդ իրար հետ հաճելի զրուցեն, ժպտան լուսանկարչական ապարատների առաջ և հետո էլ ստորագրեն նախօրոք նախապատրաստված փաստաթղթերը:

Ֆորբս (հանդես)

Ֆորբսը (անգլ. Forbes) ամերիկյան ֆինանսա-տնտեսական հանդես է` աշխարհում առավել հեղինակավոր և առավել հայտնի տնտեսական տպագիր հրատարակություններից մեկը: Հիմնադրվել է 1917 թ.-ին Բերտի Չառլզ Ֆորբսի կողմից:

Հանդեսի նշանաբանն է. «Կապիտալիստի գործիքը» (անգլ. The Capitalist Tool.):

Ֆորբս հանդեսը ընթերցողների ուշադրությանն է ներկայացնում հաջողակ նախագծերի և դրանց ապրանքների պատմությունները, նշանավոր գործարարների կյանքն ու գործունեությունը, աղմկոտ իրադարձությունների պատճառները և հետևանքները, աշխարհի ամենահարուստ մարդկանց վարկանիշերը, շոու-բիզնեսի աստղերի և սպորտսմենների ամենամեծ հոնորարները, եկամուտները և ծախսերը, բիզնես-խաբկանքներ և PR-հնարքներ:

Ֆորբսը աշխարհում առաջատար գործարար հանդեսն է: Հանդեսը նշանավորվել է բիզնեսի աշխարհում խիզախ հետաքննություններով և իրադարձությունների օբյեկտիվ գնահատականներով, ինչպես նաև իր կողմից հրապարակվող բազմազան ցուցակներով և վարկանիշերով:

Հանդեսի կենտրոնակայանը տեղակայված է Նյու-Յորքի կենտրոնի 5-րդ պողոտայում:

ԱՄՆ-ում Ֆորբսը լսարանի ծավալով երկրոդ գործարար հանդեսն է, որի տպաքանակը գերազանցում է 900 000 տպաքանակը:

Հանդեսի յուրաքանչյուր համար ընդգրկում է ավելի քան 60 վերլուծական հոդվածներ կազմակերպությունների, դրանց հիմնադիրների և ղեկավարների մասին: Ֆորբսի և նրա անգլալեզու հրատարակչության ընդհանուր լսարանը ամբողջ աշխարհում կազմում է շուրջ 5 մլն մարդ: Բացի այդ, տեղական լեզուներով հանդեսը լույս է տեսնում Լեհաստանում, Ռուսաստանում, Ճապոնիայում, Բրազիլիայում, Կորեայում և Չինաստանում:

Առաջին անգամ առաջատար գործարարների կարողությունը գնահատելու փորձը Ֆորբսը ձեռնարկեց 1918 թ.-ին` հրապարակելով 30 ամենահարուստ ամերիկացիների ցուցակը: Առաջին վարկանիշի առաջատարը դարձավ Ջոն Ռոկֆելլերը այդ ժամանակվա համար հսկայական կարողությամբ` 1,2 մլրդ դոլլար:

Հղումներ

Ֆորբս հանդեսի կայքը

Ռուսական Ֆորբս հանդեսի կայքը