Հակագլոբալիստական շարժումն աշխարհում

Արդեն տաս տարուց ավելի է, ինչ խոշոր միջազգային կազմակերպությունների և պետությունների (օրինակ`Արժույթի Միջազգային Հիմնադրամ, Առևտրի Համաշխարհային Կազմակերպություն, Եվրոպական Միություն) ղեկավարների հանդիպումները անց են կացվում հակագլոբալիստների ցույցերի ներքո: Դեռևս հիշողության մեջ թարմ են 2001թ.-ի Ջենովայի իրադարձությունները, որոնք առանց չափազանցնելու դարձան հակագլոբալիստների բողոքի գործողությունների գագաթնակետը: Այդ օրերին Ջենովայում էին հավաքվել 150.000-200.000 երիտասարդ ցուցարարներ Եվրոպայից և ԱՄՆ-ից: Եվրոպական կառավարությունների մակարդակով սկսեցին արձագանքներ լսվել հետագայում նմանատիպ հավաքների աննպատակահարմարության մասին: Արժե՞ արդյոք մի ամբողջ քաղաք վերածել պաշարված քաղաքի այն բանի համար, որ մի քանի մարդ իրար հետ հաճելի զրուցեն, ժպտան լուսանկարչական ապարատների առաջ և հետո էլ ստորագրեն նախօրոք նախապատրաստված փաստաթղթերը:

Սև պարտիզանական ընտանիք

Սև պարտիզանական ընտանիքը, Սև ընտանիքը կամ Սև ավանգարդը (անգլ. Black Guerrilla Family, Black Family, Black Vanguard) աֆրո-ամերիկյան բանտային ձախ ծայրահեղական խմբավորում է (բանտային բանդա), որը կազմավորվել է 1966 թ.-ին Ջորջ Ջեքսոնի և Դոկ Հոլիդեյի կողմից Սան Ֆրանցիսկոյից հյուսիս գտնվող Սեն-Քվենտին բանտում լինելու ժամանակ: Խմբավորումը գաղափարապես ուղղորդված կազմակերպություն է: Այն ստեղծվել է ռասիզմն արմատախիլ անելու, բանտում սևամորթ բանտարկյալներին բարոյապես աջակցելու և ԱՄՆ-ի կառավարության դեմ պայքարելու համար:

Իր գոյության պատմության ընթացքում խմբավորումը կապված է եղել «Ազատագրման սև բանակ»-ի, «Ազատագրման սիմբիոնիստական բանակ»-ի և «Weather Underground»-ի հետ: «Սև պարտիզանական ընտանիք»-ն ունի հստակ կազմակերպված կառուցվածք, բջիջներ ունի Արևելյան և Արևմտյան ափերում, համագործակցում է «Նուեստրա Ֆամիլիա»-ի, «Bloods»-ի և «Crips»-ի հետ և բացահայտորեն հակադրված է երկու այլ բանտային խմբավորումների` «Մեքսիկական մաֆիա»-ի և «Արիական եղբայության» դեմ:

Խորհրդանիշերը

• Խաչված թուր, մաչետե, հրացան և որսորդական հրացան` «B. G. F.» տառերով կամ 2.7.6. թվերով:
• Բանտային աշտարակի ֆոնի վրա բանտապահը` սև վիշապի ճիրաններում:

Ենթամշակույթ

Ենթամշակույթը (լատ. sub — տակ, cultura — մշակույթ) սոցիոլոգիայում և մշակութաբանության մեջ հասարակության մշակույթի մի մասն է, որը տարբերվում է ճնշող մեծամասնությունից, ինչպես նաև այդ մշակույթը կրողների սոցիալական խմբերը: Ենթամշակույթը կարող է գերիշխող մշակույթից տարբերվել արժեքների սեփական համակարգով, լեզվով, վարվելակերպով, հագուստով և այլ առանձնահատկություններով: Տարբերում են ազգային, ժողովրդագրական, մասնագիտական, աշխարհագրական և այլ հիմքերի վրա ձևավորված ենթամշակույթներ: Որպես կանոն ենթամշակույթը ուղեկցում է մարդուն ողջ կյանքի ընթացքում: Մասնավորապես, ենթամշակույթները կազմավորվում են էթնիկական հանրույթների կողմից, որոնք տարբերվում են հիմնական լեզվից առանձնացող խոսվածքներով: Նշանավոր այլ օրինակներից են երիտասարդական ենթամշակույթները:

Տերմինի պատմությունը

1950 թ.-ին ամերիկացի սոցիոլոգ Դևիդ Ռայզմենը իր հետազոտություններում ենթամշակույթը բնորոշեց որպես մարդկանց խումբ, որոնք կանխամտածված ընտրում են փոքրամասնության կողմից նախընտրելի ոճ և արժեքներ: Երևույթի ավելի խորը վերլուծությունը կատարեց Դիկ Հեբդիջը իր՝ «Ենթամշակույթ. ոճի հասկացությունը» գրքում: Ըստ Հեբդիջի՝ ենթամշակույթները գրավում են նմանատիպ ճաշակներով մարդկանց, որոնց չեն բավարարում համընդհանուր չափորոշիչներն ու արժեքները:

Բլոգի օրը

Բլոգի օրը (անգլ. BlogDay) ամեն տարի նշվում է օգոստոսի 31-ին: Այդ օրը յուրաքանչյուր բլոգեր իր բլոգում հրապարակում է 5 այլ բլոգների հասցեներ՝ անկախ բլոգի ուղղվածությունից: Առաջին անգամ տոնը նշվել է 2005 թ.ին: Այն ստեղծել են Արևմուտքում:

2005

Երբ առաջին անգամ 2005 թ.-ին օգոստոսի 31-ը հայտարարվեց բլոգերի օր, 30.000 նոր էջեր հայտնվեցին Գուգլի ինդեքսում:

2007

Մեկնարկեց թվով չորրորդ Best of Blogs-2007 լավագույն բլոգերի միջազգային մրցույթը: Մրցույթն անցկացնում է «Գերմանական ալիք» հրատարակչությունը: Դրան կարող են մասնակցել հետևյալ 10 լեզուներով վարվող բլոգները՝ անգլերեն, արաբերեն, գերմաներեն, իսպաներեն, նիդերլանդերեն, չինարեն, պարսկերեն, պորտուգալերեն, ռուսերեն և ֆրանսերեն:

Հետաքրքիր փաստեր

Եթե Blog բառը փոխարինենք թվերով, ապա կստացվի 3108, այսինքն օգոստոսի 31: Այդպես էլ հենց ծնվեց այդ օրը որպես Բլոգի օր նշելու գաղափարը (կամ BlogDay):

BlogDay-ի պաշտոնական կայքը 

Նմանատիպ նյութեր

Անվտանգ ինտերնետի համաշխարհային օր

Բարության ինքնաբուխ արտահայտման միջազգային օր

Համբույրի համաշխարհային օր

Լրագրողների համերաշխության միջազգային օր

Աշխարհի բնիկ ժողովուրդների միջազգային օր

Շոկոլադի համաշխարհայի օր

Բոսսի կամ ղեկավարի օր

            

Սքինհեդերն ընդդեմ ռասայական նախապաշարմունքների (S.H.A.R.P.)

Ընդդեմ ռասայական նախապաշարմունքների սքինհեդերը (անգլ. Skinheads Against Racial Prejudices, SHARP, շարպեր) հակառասիստական խմբավորում են, որոնք հանդես են գալիս ընդդեմ ռասայական նախապաշարմունքների և ամեն տեսակ ռասայական խտրականության: Նրանց պատմությունը սկիզբ է առնում 1987 թ.-ից. ստեղծվել են առաջին անգամ Նյու-Յորքում: Հանդես էին գալիս ՆՍ սքինհեդերի (նացիոնալ սոցիալիստ) և այլ շովինիստական խմբավորումների դեմ: S.H.A.R.P.-ի անդամներն իրենց տարբերանշանը ստեղծել էին Trojan Records ձայնագրման ստուդիայի նշանի հիման վրա, որը թողարկում էր ճամայկյան երաժշտություն (ռեգգի և սկա):

1980-ական թթ.-ի վերջերին ԱՄՆ-ում ակտիվիստների խումբը ցրվեց ներքին անհամաձայնությունների, ինչպես նաև այն պատճառով, որ նեոնացիստները առավել պասիվ էին դարձել:

S.H.A.R.P.-ի գաղափարները չահետացան. դրանք շատերին էին դուր գալիս և շարպերի խմբավորումները սկսեցին հայտնվել ամբողջ աշխարհում:

S.H.A.R.P.-ը հրաժարվում է ձախ սքինհեդերի հայացքներից և որպես քաղաքական սկզբունք ընդունում է հակաֆաշիզմը և հակառասիզմը: Շարպերը պայքարում են սքինհեդական շարժումներից և ողջ հասարակությունից ֆաշիզմը և ռասիզմը արմատախիլ անելու համար:

RASH

Իմանալ ավելին S.H.A.R.P.-ի մասին (ռուսերեն)

            

Աշխարհի ամենավտանգավոր մաֆիոզ խմբավորումների տասնյակը

Լոնդոնյան «Daily News» և իսպանական «Diario» թերթերը կազմել են աշխարհի ամենավտանգավոր մաֆիոզ խմբավորումների տասնյակը:

10-րդ հորիզոնական: Ճամայկա-բրիտանական մաֆիա (Yardies gang).

10-րդ հորիզոնականում են դեռևս 1950-ական թթ.-ից Բրիտանիա գաղթած ճամայկացիների սերունդները: Ճամայկացիները վերահսկում են զենքի և թմրադեղերի առքուվաճառքի մեծ մասը: Այս մաֆիոզ խմբավորումը չի փորձում ներթափանցել իշխանական համակարգ և այդ պատճառով է, որ այն ավելի թույլ է, քան մնացյալ մաֆիոզ խմբավորումները: Բրիտանական ոստիկանությունը նրանց չի դիտարկում որպես կազմավորված հանցավոր միավորում, քանի որ նրանք իրական կառուցվածքային համակարգ կամ կենտորանական ղեկավարություն չունեն:

9-րդ հորիզոնական: Ալբանական մաֆիա:

Ալբանիան կազմված է բազմաթիվ հանցավոր խմբավորումներից: Նրանց օրենքները անփոփոխ են XV դարից: Ալբանական մաֆիան մասնակցում է սպիտակ ստրուկների, խմիչքի և ծխախոտի առքուվաճառքով, վերահսկում է մարմնավաճառությունը, մեքենաները գողությունը և դրամաշորթությունը: Նրանք լայնորեն ներկայացված են ԱՄՆ-ում և Բրիտանիայում: Նրանց գլխավոր առանձնահատկությունը վրեժխնդրության ժամանակ կիրառվող առանձնակի դաժանությունն է:

8-րդ հորիզոնական: Սերբական մաֆիա:

Սերբական մաֆիան հայտնվել է տասնյակում, քանի որ իր ներկայացվածությունն ունի աշխարհի տասնյակ երկրներում և զբաղված է թմրադեղերի շրջանառությամբ, պատվիրված սպանություններով, դրամաշորթությամբ, գողությամբ, խաղատներում խաղադրույքների վերահսկողությամբ: Ինտերպոլի ցուցակներում ներկայացված են Սերբիայի ավելի քան 350 քաղաքացիներ, որոնք իրավամբ աշխարհի խոշորագույն նարկոկարտելների անդամներ և ղեկավարներ են: Սերբ հանցագործները հայտնի են նաև խելացի կազմակերպված կողոպուտներով, որոնք հաճախ են ներկայացվում հոլիվուդյան սցենարներում, ինչպես նաև արագ և անթերի մահապատիժներով: Ներկայումս գործում են 30-40 խմբավորումներ, որոնք գործում են Սերբիայում:

«420» կամ թմրամոլների գաղտնի կոդը

«420»-ը տերմին է, որը լայնորեն օգտագործվում է Հյուսիսային Ամերիկայի թմրամոլների շրջանակներում: Վերոհիշյալ թմրամշակույթում 420 թիվը կամ նշանակում է 4:20 (ժ. 16:20)՝ ժամ, երբ սովորաբար ընդունում են մարիխուանա կամ 4/20 ամսաթիվը, այսինքն ապրիլի 20-ը:

Սլենգում 420-ը նշանակում է «մարիխուանայի օգտագործում», ինչպես նաև երբ խոսքը վերաբերում է կանեփի օգտագործմանը կամ էլ թմրամշակույթին պատկանելու փաստը:

Ապրիլի 20-ին թմրամշակույթի ներկայացուցիչները սովորաբար հավաքվում են, որպեսզի ուղղակի ժամանակ անցկացնեն, միասին կանեփ օգտագործեն կամ էլ քննարկեն իրենց պետության քաղաքականությունը մարիխունայի վերաբերյալ: Այդ օրը ակտիվիստները սովորաբար ակտիվ քարոզչություն են տանում մարիխուանայի օրինականացման ուղղությամբ:

Չնայած գոյություն ունեն տերմինի առաջացման բազմաթիվ տեսություններ, պետք է նշել, որ այն լայն տարածում գտավ միայն 1971 թ.-ին, երբ այդ օրը դպրոցից հետո դեռահասների մի խումբ Սան-Ռաֆայել Հայ Սքուլից հավաքվեցին դասերից հետո, որպեսզի կանեփ ծխի Լուի Պաստյորի արձանի մոտ:

Այդ արտահայտությունը դարձավ այդ խմբի ողջունման մի մասնիկը՝ «420 Լուի» (անգլ. «420 Louis!») և տարածում գտավ 80-ականների վերջերին՝ շնորհիվ «The Grateful Dead»-ի երկրպագուների:

RASH

RASH-ի խորհրդանիշերից

Կարմիր և անարխիստական սքինհեդերի համագործակցությունը (RASH, անգլ. Red & Anarchist Skinheads, ռաշեր) սքինհեդերի միջազգային ցանց է, որն ի տարբերություն S.H.A.R.P.-ի դավանում է որ միայն հակաֆաշիստական հայացքներ, այլ նաև ունի վառ արտահայտված ծահրահեղ ձախ դիրքորոշում: Այսօրվա դրությամբ «կարմիր-» և «անարխո-» սքինհեդեր գոյություն ունեն Ամերիկայում, Գերմանիայում, Իտալիայում, Կոլումբիայում, նախկին ԽՍՀՄ-ում և աշխարհի այլ երկրներում:

Նպատակներն են`

• Դիմակայել սքինհեդերի մասին ԶԼՄ-ների կողմից շրջանառության մեջ դրված այն առասպելին, որտեղ նրանք ներկայացվում են որպես ռասիստներ և հասարակության մեջ կոտրել այդ կարծրատիպը

• Սքինհեդերի ենթամշակույթի տարածումը և երաժշտության (Oi!, սթրիթ-պանկ, ռեգգի, h/c և այլն), հագուստի և այլնի միջոցով հակաֆաշիստական և անարխիստական գաղափարների տարածումը

• Ինչպես ֆիզիկական, այնպես էլ քաղաքական պայքարը

• Օգնությունը ներգաղթյալներին և խտրական վերաբերմունքի ենթարկվող ազգային փոքրամասնություններին

• Մասնակցությունը քաղաքացիական և քաղաքական գործընթացներին

RASH-ը պաշտոնապես հիմնադրվել է 1993 թ.-ի հունվարի 1-ին «Մեյդեյ Քրյու»-ի մասնակիցների կողմից (անգլ. Mayday Crew) (R.I.P.), որը սքինհեդյան crew-ի ձախ թևն էր և տեղակայված էր Նյու-Յորքում և վայելում էր Օտտավայի, Մինեապոլիսի, Չիկագոյի, Ցինցինատիի և Մոնրեալի սքինհեդերի աջակցությունը: Շատ չանցած ստեղծվեց ցանց իր ճյուղերով, որոնք գտնվում էին տարբեր երկրներում (Կոլումբիա, Իտալիա, Գերմանիա և այլն):